Cun quittau oz sur punt nova sun galopaus,
E tuttina quasi giul werk dent’il compost setschentaus,
Quels dil cantun savessan reagar,
E la patinera cun in bratsch sal far luar,
Enstagl ils dis tochen tier la pensiun dumbrar.
Tuttina aunc la via vai anflau
per dar in sguard anavos sil passau.

La loipa Trun-Surrein cun canuns sa vegnir enavada
e cunquei la lavur dil maschinist Thomas fuss segirada.
Cun quell’innovaziun uss buc mo il team panda silla loipa vein,
Mobein era Colognas e Northugs en la vallada spitgein.
Aschia Sontgaclau mo sa recumendar,
Da skis da cuorsa liunga cumprar.
E bia temps gl’unviern sin loipa passentar.

A Surrein la nov’orgla cun ina fiasta embelida,
Ord fifas veglias e novas vegnida costruida.
Tgi sa sche ils cartents da Rabius ussa per udir la tala,
vi Surrein pelegrineschan per in’occurenza sacrala?
Gliez per Sur Benny e cumpogns buc ei da sperar,
ed aschia era vi Rabius zatgei ha stuiu schabegiar.

Leu suenter paucs onns la colur giu dils mirs vegn sgartada
e cun megliera la baselgia colurada.
Sitzheizig en casa da Diu ei vegniu installau
per tener il tgiluti temprau.
La renovaziun ohhh tgei menaschi quei ei stau,
stedi sin la detta dils luvrers vegniu merau.

Ina ga dapli ils iniziants buca laian stermentar,
ch’ils pachers beingleiti giu Igniu sapien cavar.
Il lag salischina intec dapli slontsch alla regiun dei dar.
Per buca adina schar ir tut dall’aua giu il suandont ei da far:
En la uniun entrar
e proximamein per il lag votar!

Il plaz giu Igniu gl’unviern ei vegnius demolaus,
in calöri cun igl auto sin il plaz ei carraus..
per loopings el plaz gizzar,
ed aschia il terren ruinar,
oh tgei rateina!!!!
da quella crappa da fiug fuss da prender en cadeina.
e cun la torta da,
tochen ch’ei san buca pli co sta.

Fegra punt vi Runs baghegiau,
mo la fiasta ha muncau!
Il cantun mo 5-6 dels envidau
E per tals in apèro preperau.
S. Clau gia haveva selegrau
Che sco ella détga in buc sulla punt vegn catschau
E silsuenter culs pagataglia ensemen festivau.
Mo lezs – quels ch’han la punt pagau,
agl apèro gnanc han envidau.

La giuventetgna la fiasta Whiteblue ha organisau
Lappis da Sedrun tochen Cuera la via han anflau
ed a Rabius tochen baul en la damaun festivau.
La seiv dil Mudest en ruaus han schau
e dalla scola uonn buc las scaffas da brevs viado scarpau.
Gie perfin la vischnaunca la lubientscha senza incaps ha surdau
e per ina ulteriura ga in success cumplein ei stau.

En la politica dretga fetg ruasseivel ei vegniu
Nus dil Pablo gia daditg buca pli vein udiu.
La svp e la viafier retica el ha bandunau,
tgi sa! Forsa el tuttina sin ina plazza sco ranger dil parc haveva speculau.

A Rabius ei vegn puspei cantau
Na buc il chor, la Chiara ei manegiau.
Tgi sa sche il quartier sur scola per quei ei predestinaus,
il vischin Mario era gia a Music Star ei staus.
Aschia els omisdus ina nova platta uonn presentau,
Ed per reclama musicala pil vitg han procurau.

La scola Rabius vegnida renovada ti mordio,
Prest l’entira stad preits han scarpau o.
Aschia il Leci ina stanza da treiatschien quadrats,
per ils dudisch scolarets finalmein uss ha plaz.

Vischins da sur scola per ir a casa duvrau in’ura,
pertgei bunamein sur Campieschas da far vevan la tura.
Aschia uss o Cavivens in traffic enorm tudi,
E per la via provisorica la pastira han stuiu unfrir.

Nies bien Armin, buc saviu co sestelegiar
Suenter ch’il termin da rimnar pupi han stuiu stuschar
Quasi a mintga dunna da casa has telefonau
Tochen che ina ei vegnida e tiu pupi cargau
Para buca el tgau has schau dar,
da tes pachets puspei en tschaler cavegliar.
Tgei cletg era ei venderdis sera
Schiglioc vessan ils luvrers da vischnaunca giu da vegni per quella fuera.

Silvio Lutz siu igniv ha renovau,
e culla mulda la via da Cavivens fabaricadau!
Tes vischins la largia bein han stuiu tuccar!
Per ils spiaghels vid lur vehichels salvar.
Fuss forsa stau meglier da quella mulda unfrir,
per lien tia sgarscheivla rulota deponir!

Igl RTR uonn vid il ballapei regiunal buc ha spargnau,
Ed il derbi tradiziunal dalla Cadi online mussau.
Lein per las medias romontschas mo sperar,
che daquellas acziuns era el futur pon realisar.
Per che l’Imelda Duff vinavon tier tgei caussas po telefonar,
la Gabi buc sto ir a stempflar,
nies radio stueis spindrar
ed encunter l’iniziativa votar.

La sonda vargada ina luca rucla ei vegniu stuschau,
il club da bigliard sin halla vev’envidau
Sontgaclau la schanza less nezegiar
e sil giubileum da 10 onns gratular.
President Willi e collegas in weltmeister ord Berlin engaschau.
il tal cun siu spectachel inchentau
e per enqual bucca aviarta procurau.

Danovamein era zuchers el cussegl federal vegnan pri si,
quels da Cassis per la svizra taliana vegni elegi.
Il cusseglier romontsch ei sco proxim ha da dar,
aschia la Doris al Martin il post savess surdar.

50 pumpiers igl atun si Tscheps han astgau carrar
ed aschia ils motors dils autos bein scaldar.
Els inaga da cauld han astgau excercitar,
e buca sco ustiau il fiug han stuiu inscenar.

Sontgaclau era in sguard sur ils cunfins vul dar,
E cun grond interess la dispeta contemplar.
Igl american ed il korean quasi mintga sera,
cun bumbas nuclearas in a l’auter fan la fuera.

Oh schwobs, oh schwobs tgei veis buiu,
che l’AFD talamein veis susteniu?
Ussa quels neonazis schizun ella regenza,
donn che Sontgaclau aunc buca ha demenza.

Oh Gioni
Eras ord il moni
Si tscheps la polizia has fatg vegni siadora
Perquei che las puschas dil Carli eran rutas ora
Ils bulettis pli perdert vessan da far
Che suenter daquellas tgagias sco ti trottar
Uss il mises cun lattas e petgas ornau
has per lubientschas dumandau?
Tut emblidau
o ti cucu!

A Trun Oktoberfest han festivau,
ils giuvens Zillertalers han cantau.
Bia gervosa vegniu derschiu,
ed enqual mass ils hosps fendiu.

Suenter 3 decenis il Hotel Greina il tgamun vegn a midar
Duri ed Aurelia las ovras ad Andreas vegnen a surdar
En quei senn S. Clau a vus less engraziar
ed ina bialla pensiun giavischar

Uss rest’ei mo da a Vus engraziar,
Che veis il Sogn en stiva schau entrar.
Ils biars buc ord las retschas saltau,
Ed aschia il satget meritau.
Mo enqualin da Vus patratgs ston far,
Per l’auter onn buca puspei egl oremus setschentar,
Ni schizun en cadeinas schar rentar.
Oz gia Roland cun nus prendin,
E cun ina sadiala sal vi sin punt mettin!

Per che romontschia e regiun vinavon pon surviver,
a projects indigens lein uss dar maun liber
e cun mia aua benedida vus less animar
che tier la No-Billag NA stueiss votar.

Amen!