Era sche las gasettas vegnan pér da miezdi,
Sontgaclau uonn ad uras ha pudiu vegnir.
Hai bein enqual mument aunc ponderau,
la finala tuttina la schliusa vid igl asen montau.

A Campliun anetgamein hai stuiu frenar
per il klotz da betun dil Rothmund contemplar.
Oh Patrick, tia seiv alva bia memia bassa fatg has,
aunc adina l’entira pustracca veser sas.

La Via Surrein cun petgas vegn barricadada.
Sch’ei vegn encunter in camiun, fas la suada.
Daco ch’il cantun nuot vul far
Sontgaclau mo sa sminar.
Plitost ina punt per tschun dels a Sogn Benedetg construeschan
enstagl che la via da Marias rugaleschan.

La dirigenta il chor vegn a bandunar,
ed uss a Rabius sei finiu cun cantar.
Cun premura in successur han tschercau,
denton gnanc in soli sulet anflau.
Sontgaclau spera ch’els possien tuttina la crisa surmuntar
ed el mender cass – halt era fusiunar.

Tier la pleiv il Lucas ha abdicau.
40 persunas havev’el dumandau.
La finala igl Armin ha candidau,
cun quei propi negin haveva quintau.
Era sche mo paucas vuschs has obteniu,
cun duas Ritas bien sustegn survegniu.

«Schi fis» – il blick online ha titulau.
Ils zenns dil Norbert ei han engulau.
Luagsch au ned jede morge ob dr Kämi uf em Dach isch,
asch’ina acziun ei bein barbarisch.
Vin Reits pli sempel fuss stau,
denton quels zenns da bienmarcau – negin han interessau.

Il caluster la faultsch ha tratg el canvau
e sin siu post tgigiau.
In niev caluster grev d’anflar ei stau,
la Masi denton la situaziun ha spindrau.
Engraziel fetg, di Sontgaclau.

Era l’Assunta ed igl Ernst han giu la fuera
ed ein serendi giu Cuera.
Da niev il pedelesser en in manatschment ei semidaus:
La Daniela meinafatschenta,
la portugesa la scua muenta
ed il da Vitg cul pastget sefatschenta.

Nadja sa bu pli tgei far – per il volg Rabius spindrar.
La Margota ed il Gion – fan bu l’ustria vinavon.
Oh schei vus caras steilas el firmament,
il futur dil vitg fa grond sterment.

Senza haver finiu da baghegiar,
Thomas Bieler gl’asil sto bandunar.
Uss pli stedi il camper ord caplutta el po runar
per cun la Lisabet en tiara Tütscha lur pader visitar.

Gl’aug Marcel la patent’ ha ha dau da lavar
suenter ch’el sc’in raser ha tertgau carrar.
Siu sutnevs – il disponent Giani – tila buc ord l?era,
el cul tschip sper la punt ei setschentaus, ella glera.

Pauper Hans – ins pudess tertgar,
cu el da Sontgilcrest sias seivs a casa a stuiu purtar.
Cun quei tuntignem che has pudiu far
ei grad caztga dad ellas l’auter onn puspei allontanar.

Sin cumin l’FDP uonn ha vuliu brigliar
e cun la Pia candidar.
Ils resultats denton clar lain tschintschar,
l’FDP emprem enzatgei sto prestar.
Per la vischnaunca da Vitg denton hai tunschiu,
ella il stradalesser ha survegniu – nundadiu.

A Sedrun la Sissi ha procurau per furora –
na buc ina biala Tuatschina – matei la Tunelbohrmaschina.
Gl’october, la preit crap ei finalmein curdada
e la perfuraziun – cun agid dil David – bein gartegiada.
Mo ils politichers han buca saviu con tup far
e stuiu la ruosna grosskotzig festivar.

Per uonn, bugen ni nuidis stoi calar.
Miu pantoffel aunc en autras stivas vi tschentar,
per ils buns e pulits remunerar
ed ad enqual tapalori la torta mussar.
La benedicziun denton aunc a vus vi dar.
e cun aua sontga vos tgaus (e canapès) bugnar.

Per il volg spindar – stueis a Rabius cumprar – e buc giu Glion truttar.

 AMEN