In di pli baul che usitatis
Il vegl viseta ils privatis.
Era uonn tier vus vegn Sontgaclau
Per dar revista dil vargau.

Sontgaclau tuttina enzatgei ha effectuau
La musica „da Rabius“ uss definitivamein ha fusionau.
Ils tgaus dirs sul rein lur num davon han vuliu
Ils da Rabius han tertgau: sche bien pia, numdadiu.
Eventualmein cheutras il manco da sulegl san remplazzar
La staziun vinavon Rabius-Surrein vegn a senumnar.

A sera familiara la giuventetgna ha clamau
Ils umens la Carlina sco pli biala honorau.
Rubas e strubas dil spanferkel ei vegniu magliaccau
E gnanc dalla salata zatgei restau.
Il Duo Desertina pli tard negin ha legrau
Na, schizun tuts gia da mesa notg a casa spuentau.

Sontgaclau haveva gia selegrau
Che l’Olga la cofra per adina hagi pachetau.
Mo opala, o nanana, tgi vess detg da quei?
La Polizia adina puspei giu la staziun ei en pei.
La scena da Rabius ei puspei activa
Per buca gest stuer dir – primitiva.

Si Caduff la idilla finalmein ei turnada
Tgauns, tschancs e Gabis, quei era inagada.
Ussa puspei sur il damm a spass ins savess ir
Sche ils camiuns da lenna buc carrassen tudi.

Las immobilias da Rabius pils unterländers il hit ein
Ils Lecis a miez vitg vendi – uss selegrein.
Finalmein il maletg dil vitg ei vid semegliurar
Schiglioc tier gl’aug Marcel stueis ir a mirar
Suenter ch’el la habitaziun suten ha vendiu
Glera dil werk en curtin ha sterniu.

La historia dil runal va tec a tec a fin
Ils sochels ein naven finadin.
Gerau Willi ha detg: „Quei cheu ei miu“
E la hetta immediat en siu posses ha priu.
Tgisa sch’il club da billiard si leu vegn a secasar
Ni sche plitost la Daniela sia Stivetta vul reactivar.

La novavla notg dallas femnas l’UGR ha organisau
Ed uonn perfin il chor ils daners ha ferdau.
Pommes frites e hot dogs cantond han produciu
Tat Christian tuttina per sia segirtad ha temiu,
Ferton che zun nuot ei succediu.

Sper il silo uss aunc in wintergarten han baghegiau
Per che tuts gie vesian tgei che vegn marendau.
Uss la Giaclina buc pli en ina tauna sto cuschinar
Da niev schizun il sulegl ella cazzetta po mirar.

Il Silvio buca pli cuschinas producescha
Ella stivetta ussa bogneras da lenn furnescha.
Con ditg che quei vegn a cuzzar
Sontgaclau, non sa.

Mender che tiel dentist ei vegniu
Cun las miardas grondas giu Igniu.
Vul ti las miardas ella mulda smanar
Cun dabia pazienzia stos quintar.
Tras quei il Werner sofort a reagau
Ed ina stanza da spetga empustau.

Ils Acabellos han fascinau
E culla biala Francina concertau.
Sin turnea ussa savessen ir
Cul bus mellen dil Daniii.

L’onda Martina ha abdicau
Per siu prestau seigi zun engraziau.
Uss igl Ivan assistent da Diu vul far
E per uorden en casa sontga procurar.
Per il post da portacafanun
Enquera el aunc adina in umun.

A Caho il tgiet dalla Masi ei setschentaus ella cazzetta
Suenter che femnas veglias han fatg la petta.
Sontgaclau in tal cunfar sa buc acceptar
intec idilla en quei vitg, o schei bein star.

Rabius sco destinaziun da vacanzas – scrivi sin tgamin
Cunquei scavem a Marias – buc pigl egl da mintgin.
Forsa il Beer cun Moorstore ensemen stuess fusionar
Ed il tratsch en dosas pachetar.

Per buca stuer encunter la schweinegrippe vaczinar
Mia medischina alternativa vi dar
La sontga crusch denton vus stueis far

Per asilants evitar
la valischa ei da baghegiar
schiglioc las consequenzas stueis purtar.