oremus 2008

Uonn Sontgaclau ha giu in riesa spass
Naven da Trun tochen Rabius ha dau vollgas.
Stun mo spèrt, vi buca far ditg
Cheu en quei trest e deplorabel vitg.

Inscripziuns tudestgas dapertut ein d’anflar
Tenor lescha communala fuss quei da scumandar.
Certs curtins nos paupers seniors ston segar
Perquei che la banca sias casas buc po cultivar.

Ils Robidogs quels han stuiu h’ra
Per dustar dils tgauns la fuera.
Mo cacs fatgs sin via s’audan els säcklis
Perquei sontgaclau cussegla da restar reclis.
Il rest gie da hisli giuaden saveis smenar
Il truschacac alla suprastonza vegn ad engraziar.

Giu Marias sut la staziun vegn cavau da camifo
Ei va buca ditg ch’il da cornas siu fiug spida siado.
Sch’ei vegn aunc scavau ditg vida quella mina
San ins gleiti siglir a Rabius ella Port’ Alpina.

El vitg concurrenza da rasamehers vegn fatg
Gnanc da quels lessigs da seser si,
Sco’l banchier Edwin sto’ins ver pli.
Si Chistrisch il Curdin la faultsch ha bess el canvau
Per restar verds in rasameher da solar cumprau.
Giu el plaun envi ed enneu tip top el va
Mo la runtga vinavon siu cunegl sto smuttar.

Olga Walder ni plitost Panic la fuigia ha priu
La direcziun dil t’ff colurau negin ch’ha viu.
Senz’ella la scena da Rabius vegn pli ruasseivla
E per enqual vischin la fin d’jamna bia pli emperneivla.
Mo ils treis confederai da quei han buc grond plascher
Tat Duri vegn buca mintga sonda tochen la damaun a puder.

Sontgaclau la Gaby gia vev’emblidau
Tochen ch’ina sera radio ha tedlau.
Uss ella gasetta mo pli la Susi ha da scrivergnar
Persuenter la spagnola cun sia volksmusik stuein tedlar.

Giun Gara odurs da Wellness ein d’anflar
Il docter professer sia casa ha schau renovar.
Dil vegl mo pli la fassada ha schau
E schizun en garascha in parchet montau.
Tgisà cur ch’el definitivamein a Rabius vegn a star?
E la cassa dalla vischnaunca spindrar.

A Rabius il Willi Nassional in niev club ha fundau
Aschia ord la cababe ina stanza da billiard ei daventau.
Il club 07 trenescha seras en e seras ‘
Mintgaton schizun il Fuffi che gartegia la ruosna – oho!

Ei para ch’il cussegl da scola legia il blick
E sa ch’ils rasers dapertut enqueran il kick.
Uss ils scolars giu la staziun sil bus ston spitgar
Tuttina avon il Volg malsegir la via ston traversar.
Aschia a Caho pli ruasseivel havess giu da vegnir
Mo il tgiet dalla Masi quei sogn ruaus ha stuiu destruir.

Uss geniturs, las ureglias bein gizzei
E sur dils proxims plaids enqual patratg fagei.
Vos cars affons ein gie mai la cuolpa
Sch’ei vegn fatg en scola gronda revolta.
La scolastamenta vi Surrein ha buca pli autoritad
E vus tuttina vos affons sustenis, tgei tuppadad.
Buca da smarvegliar che scolasts la plazza ston midar
per alla fin buc a Beverin aunc setschentar.

La casa parvenda la pleiv finalmein ha saviu schar vi
Giu Rabius sur Benny ei vegnius a star – con bi!
Bialas mobilias cotschnas ha’l zuar survegniu
Mo con ditg ch’el resta, stat scret negliu.
Sil pli tard cu el vul skis rimnar
Savein nus tuts ch’el gleiti vegn a scappar.

Ils daners dil runal alla vischnaunca duein ir
La regenza vi Vitg puspei po rir.
Mo oha, las cefras aunc pli cotschnas malegian
Ina punt da purs per quasi in milliun zambregian.
Perquei il pei da taglia aulzan ti mordio
La giuventetgna scatschan dalla val giuado.

La fusiun culla musica da Sumvitg ha fatg naufragi
Lein sperar che culs da Surrein ei meglier plagi.
Da suenter in onn puspei persuls entscheiver ei difficil
La fusiun definitivamein sto esser il zil.

Era uonn la giuventetgna la Lady’s Night ha organisau
Tgei miracla, gnanc la Theresita ha tugnau.
Savess aunc raquintar in entir cudisch
Mo perdunei, sai buca star cheu tochen las dudisch.

Per vus da disgrazias e finanzcrisas spindrar
E cun la speronza ch’il VBS vegn a sesviluppar
Uss mia sontg’aua da Wellness sin vus vi bugnar
Ed uss la sontga crusch lein far.

Rasers lein frenar
Il maletg dil vitg spindrar
E Blocher en pensiun catschar.