oremus 2007

Sontgaclau uonn atras ha fatg la qurontina
Per visitar Rabius e tgaus metter sut la guillotina.
Quintau havevel ferm da vegnir tras la Port’Alpina,
Auter halt hai stuiu sligiar quei problem
Perquei da sutsi sun vegnius, tras il tunnel da Flem.

La sera familiara uonn en nova fuorma ei semussada:
Cun giugs il suentermiezdi, programm dalla sera e gronda tschenada.
Ach gl’interess dalla glieud per ina tala sera ei halt schon pigns.
Con ditg ch’ei dat la sera familiara cul temps lu ves’ins.

Damonda: Tgei han il cor e la musica communabel?
Na gl’ei buc ch’ei han in tun miserabel.
Mobein ch’il Retus davontier ei staus cun la stimmgabel
E sfugatau culla bigetta sco cun in sabel.
Plein anim all’entschatta el tut surpren,
Mo suenter in dus onns segl’el giu dil tren e va naven.

Il pupi uonn dallas scolas ei vegnius rimnaus,
In caos da vegnir blaus.
Acziuns malsegiras, irresponsabel cunfar,
Ch’ei ha buc dau morts ei grad da smarvegliar.
Cun cars, carrettas sur via vi e neu,
Daco san buc las uniuns dil vitg far quei, sco tochen dacheu?

Da Sontgilcrest il vitg da vender ei staus screts o,
Il telefon dil president da giuventetgna sin quei ha stgalinau mordio.
Tons telefons il Franco segir bugen havess,
Per ch’el cun siu runal inagada naven vegness.
Da sia tactica ins mo sa specular,
Fors’el spetga ch’il prezi da fier vegl aunc pli fetg vegn a sesalzar.

Il pli bi cavagl si Caduff ei d’anflar
Na buc la Gaby, lezza a Glion ei ida a star.
Avon aunc en Spagna ha encuretg la dretga via
Per anflar sesezza e schazegiar la famiglia.

Las crems dil Lutz schon gl’onn vargau in tema ei stau.
Ditg lu nuot ei semidau.
Tunar tunav’ei all’entschatta suenter in hit,
Effect hai giu ton sco ella Val Sumvitg il dinamit
Che ha buc pudiu siglientar il granit.

Il Sigis en pensiun ei ius
E cun quei schizun renomaus vegnius.
Tgei cletg buc mintga pensiunau,
Ella quotidiana vegn presentau,
Schiglioc dess ei aunc dapli litteratura da husfrau.

Engraziel Werner, Vitus e Fufi
Che buc pli l’Olga el Surselva sto survir.
Aschia ella sin autras caussas sa seconcentrar
Sco p.ex. ils dents ell’Ungaria schar drizzar, -
Il pass denton a casa emblidar.
O ti cucu!

Pintga fidonza Rabius ha en ses geraus, e geraucas
Ei quei buc in segn d’alarm sch’ins fa vuschs schi paucas?
Sontgaclau gnanc po piarder plaids sur tschatschers ed uhus cun egliers
Che sequentan d’esser en vischnaunca u huora tiers.

Ina garascha il Thomas ha baghegiau,
Clau Martin per la construcziun l’absoluziun dau.
Uss maunca mo pli il clutger
Quel dat ei lu cu el ei prer.
Per messa nuviala lu celebrar.
Il Wohnwaga zanu’auter – Thomas – stos parcar.

Igl open Air Lumnezia in scandal ha produciu
Giud tribuna pischau e retschiu ei vegniu.
Ina dunna da Surrein quei buc ha saviu capir.
Ina brev da lecturs sinaquei alla Quotidiana ha schau ir.

Da Lady’s Night la Susi ei ordavon ha progonsticau
Che fridas e pugns in a l’auter vegn dau.
In per exots digl exteriur la paisch svizzra han stuiu disturbar,
Ils placats cun las nuorsas neras schon han detg tgei che cun da quels fuss da far.

La stanza da spetga a Rabius staziun ei serrada
Era la pusseivladad da seser odado sil baun, allontanada.
In scandal! di Sontgaclau enzaco,
Mo el sa a vus era dir il daco!
Geniturs d’affons cun capetschas schregas saveis atgnamein
Nua che vos affons la sera van, per fimar lur fein?

Schiglioc Rabius plitost lungurus sepresenta
Perquei jeu uss sin vus sprezzel l’aua ord la brenta.
Per che vus vegnies inagada allerta ed o dil busch
Fagei ensemen cun mei la sontga crusch.

Per educar, (geniturs) sin meisa cul pugn ei da dar
Capetschas schregas scumandar
E caultschas sur il tgil montar.