L’uniun da dunnas lu auter “trendig” egl internet cattein.
Mo danunder ein quellas bialas ch’encheu anflein?
da Rabius en tutta cass buc – gliez savein.
Per tala biala tschera era saver far,
in cuors da rir tier Sur Giosch ‘las han vuliu frequentar.

Il runal Prauliung definitivamein han serrau
Ed ils da Rabius lur skis al plevon schanghegiau
Tgisa sch’il plevon nus perquei ha bandunau,
Ed ina fatschenda da skis en Pologna fundau.

Resolut la giuventetgna da Surrein cul pugn sin meisa dat
Il Theo duess quescher, quei tat!
La “Rennpista” da Prauliung a Surrein vegn dislocada
Per far da skis, -> sin rodas la midada
Sontgaclau a quei project la vusch vul dar
Per cugl asen la nova schliusa il testen far / per cun schlius’ed asen leu il schlüdern astgar far.

Theresita, oh Theresita uss setegn!
Da tiu sfugatem e misterlem Sontgaclau gie „Pickels“ survegn!
Co fuss ei cun tiu saun giudezi activar
E dapli per il beinstar da nossas uniuns e dil vitg mirar?

Potenzial tier la giuventegna schon ei avon maun ozildi,
Era sche biars quel vulan impedir.
In Martin per exempel tiels politichers vein tarmess a Cuera,
aschia ch’el da S. Placi ha saviu far biala tschera.
Denter tut quels vegls da num e pum en camisch’alva,
ha er’el astgau prender encunter ina salva.

A Roma gia biars che han, –
empruau d’anflar o tgei che marsch’el vatican.
Quella caschun er’al Valerio ei sedada,
da star giucheu cun halumbard en parada.

Il Clau Martin astg’er schon far da plevon,
ed ir cun la bibla sil frunt ordavon.
Nina Catrina fa furor’el mund da moda.
In di siu num fors’en connex cun Gucci ni Versacce croda.

Il Volg da Rabius buc ord ils virivaris vegn
Aunc cun daventar pli liberals negin che ditg o tegn
Da lavur denter 10 e 100% vegn cheu tschintschau
Sco quei qeun va si, seigi cheu dumandau?

In art tut special a Rabius dat odur,
Si Fravia ina nova casa dat splendur.
Tschep per tschep e toc per toc cun camiun ei vegniu transportau
Tgisa sch’il Lezi scolast uss’era ina casa da legos ha empustau?

Per las vias il Mudest ei ius questa stad.
Per anflar tier sesez e veser tgei ch’ei zanua auter dat.
Respect cheutras segir has fadegiau,
è sch’ei persuenter enqual vischigia ha dau.

Da Benissimo la rucla blaua il milliun ha purtau,
Ton cletg ils Deplazes si Catat mai vessan spitgau.
La pensiun aschia segirada fuss,
Sche la taglia buc alzada vegness grad uss.

Naven da Musicstar ei uss’ er la Kuhstar,
La Miss Tumpiv da Marias buc da sutschaziar.
Il Carli sias puschas cun wellness ha vuliu fleghiar.
Per uss cun sia Miss Marias saver seludar.

Tras Rabius cun quitau stoss ir,
Eini gie dapertut vid las vias cavar si,
Cabels d’irom ozildi,
atgnamein buc tratgs vegnan pli.
Mo la Surselva ha aunc il sentiment,
che quei KNS el temps dad oz fetschi aunc senn.

Ord la Quotidiana dalla Gabi havein saviu prender
Che la redacziun en Spagna ha stuiu serender.
En fuorma da diari da schnüggels e gnocchis e tschuttis ha palesau.
Pil tenti ei quei litteratura da “Huusfrau”?

Seigi scoi vegli, Sontgaclau ina fin cugl oremus sto prender.
Ed en la proxima casa plaunsiu serender.
Cun tem’e sgarschur vi Rabius bandunar
Emprem denton aunc cun mia aua vus stoi bugnar.
Possi Rabius egl onn niev pli fetg prosperar
Sch’iglioc l’auter onn vegnel cheu nuot pli ad anflar.

Per surmenar / da buc alzar / la taglia – tut – lein far!