Sontgaclau uonn bugen fuss vegnius cul bus,
denton quei ei nuot per la bilanza da CO2.
En in e-bike hai investau
e la scarsola a casa schau.

Veis sentiu,
che gia pli freid ei vegniu,
dapi che tons verds veis elegiu?
Era da magliar carn saveis calar,
vermaneglia els urteis zugliar.

Alla Greta,
quella schmeledetta,
mia torta vi dar,
lu calla ella schon da cauma far.
Uss all’Alinghi less concurrenzar,
Ed cun barca su’gl Atlantic navigar.
A scola duei ir,
enstagl pulstracca referir.

Vul ti far il schwingen il Tanzbein,
ella Tschuetta quei mava bein.
Donn ch’ils pömpis siu TLF memia tard han survegniu
ed aschia ei la tschuetta halt barschada giu.

Cun la Casa Cargiet ei iu tuttina,
president Dumeni bugen vess fatg tetg alla ruina.
Ils possesurs pli bugen per bia raps ella vendessan
ed ils daners dalla segirada en sac metessan.

Giu Trun da tscheiver,
mintgin ch’ei vid beiber.
Sin plaz Ligia Grischa dapertut vegneva pischau,
perquei tualettas han baghegiau.

23’143 vuschs il Martin ha recaltgau,
pia buca mo nus da Rabius per el havein votau.
Cul meglier resultat grischun giu Berna serenda,
sulet la Turitgesa tier nus aunc meglier sevenda.

Era nos catschadurs han politisau,
cun els ins ha tertgau,
che la meisa rodunda cun l’arena han sbigliau.
L’iniziativa ei ida dall’aua giu,
vinavon sco tochen dacheu a catscha vegn iu.

Coachs adééé,
Tiarza ligia juhééé.
Ils hobbyfussballers in indrez da schuar han survegniu,
uss cun tugnar sei finiu.

La plazza da giugs giu Igniu,
in niev maletg ha survegniu.
Per quella el futur saver duvrar,
l’amore senza condome stueis far.

Per tut quels che han tertgau,
che la giuventetgna da far cavals ha calau;
a tals il Sogn sa di,
che l’auter onn tut a dubel vegn a svanir.
Era tiel Gieri ei vegn priu,
e sin plaz cadruvi deponiu.

Vul ti sco in papa sesentir,
quest unviern giu Igniu cun caglias stos ir.
Sin scantschala astgas star
e tiu plunder sur la seiv schmanar.
sin la loipa ins vegn ad entupar,
Möchtegern-Colognas cun sadiala da cumpostar.

Uonn ina fiasta dil vitg ei vegniu organisau,
gronda breigia la musica ha dau.
La cool band per furore ha procurau,
ed ils vegls la caltschina giud l’ossa saltau.
Gie schizun in Spannferkel ei han grillau,
ohhh tgei buontad che quei ei stau.

Per ch’ils da vitg buca giun via messa ston far,
il mir ston renovar.
Aschia vinavon ils mats san demonstrar,
con bein spalier sil stutz san star.

Il Sennhof giu Cuera uss ston svidar,
e tuts perschuniers si Rabius transportar.
Perquei sin plaz scola han montau dètgas reits,
per schurmergiar las preits.
Sin finiastra uss il Leci sa fimar sia pippa,
senza survegnir in bal ella fritta.
E ch’il pedel survegni buc stress,
lingias da bugnar el tratsch han mess.

La giuventetgna sin viadi a Berna ei ida
ed en casa federala tiel Martin serendida.
En casa nuot dil mal tertgau,
mo la sgarschur ha lu tuccau…
…La Semadeni en zuler engartau.
Certs ella bugen havessan tschauppau,
e sur lautget stuschau.

La Bikeria giu Trun ha fatg il fagott
Ed arrivada si Rabius – quei ei fetg flot.
Lein sperar che bein ad enqual giuvnetta,
vegn da vender ina bicicletta.

Il piogn ella Val Rabius,
culla lavina ei ius.
Gl’uffezi forestal in niev ha construiu,
E quel quasi in’jamna surviviu.
L’aua gronda lez ha priu,
ed il tierz tochen uss tenniu.

Il volg massa cefras ha presentau,
buc il quen – na, il lotto ei manegiau!
La halla bein pleina ei han dumignau,
e certins bials premis han gudignau.
La Lisabeth ils pneus tier il Schwiegersohn astga schar midar
ed il Martial mèl d‘aviuls dil Mognetti sa schlignar.

La vischnaunca in dètg credit ha dau
ed el Lag Salischinas investau.
Plaunsiun zatgei cun tgau e peis fuss da presentar,
buca mo bials maletgs sin terren dad auters mussar,
ni castials ell’aria far.
Neras uras fuss da levar,
quei project vinvavon catschar,
ni cumplett callar
e buca daners el tratsch setrar.

En Val Sumvitg il lag han svidau
ed il pèschs en Val S.Pieder sgulau,
oooh, tgei puccau!
Persuenter ei ina nova antenna han installau
e per meglier „Empfang“ ella Val procurau.

Gl’Armin ha fatg buna fatschenta,
la taglia dils da Trun si vitg vegn priu sut la lenta.
Tiu BMW GR311 tier l’ustria dalla staziun parcar,
per intec muneida spargnar,
cun gliez dessas tuttina callar.

Ord la Val Tujetsch il Sogn ha schau udir,
La Port’alpina puspei in tema dess vegnir.
Cun Sawiris la finanziaziun fuss garantida,
per finalmein realisar quella super purschida.
Uss fermamein sigl engaschi da nos politichers sperein,
els buca mo sils placats dessan veser ora bein.

Era uonn l’UGR per pignola va,
els tutta breigia vulan dar
ed in biiiii a vus purtar.
Aschia negin cuors dad inferlar,
jeu a vus stoi cussegliar,
per vid mintga scua cun raischa
Saver taccar si daischa.

Buca aschi tup mirei
e sin mei tedlei:
Ina nova uniun ei vegnida fundada,
“Rabius anavon” duei procurar per midada.
Vus tuts en l’uniun stueis entrar
e pil bien dil vitg mirar.
Il det ord il tgil prendi
ed il talun d’entrada suttescrivi.

Sooooo!
Ad enqualin empau latg vai schau giiiu
ed ils pulits in laud han survegniu.
Per uonn a mi el tgil saveis suflar,
vai aunc auter da far.

Per nies avegnir spindrar,
il suandont ei da far:

Plastics en sacs rimnar,
o Rueun trotar
e tiel Montalta schmanar.

Amen!