Suenter in quart zenn haver udiu,
igl asen hai priu
E vegnius tut agradgiu.

Si Campieschas tut trests hai engartau
Che vits ei il clavau.
Il Norbert, uss in um pensiunaus,
aunc pli savens giu Turitg sa far in paus.

Era il Gion e la Gabriela bugen massen en pensiun,
Han ins viu silla televisiun.
Tuts denton buca sco papa Benedetg san far
E dir, jeu poi buc, stoi calar.

Oh vus tappaloris, tgei veis era fatg?
Votau veis stedi, mo senza patratg!
Secundas habitaziuns saveis buc pli baghegiar,
Mo senza turists sa ei buca funcziunar.

Sontgaclau a vus in tip vul dar:
Vuleis senza lubientscha baghegiar,
Sco il Mognetti stueis far
E semplamein in pèr bus avon la baustell parcar.

Sontgaclau quei mai vess tertgau,
La Gaby puspei si la Cadi ha anflau.
Giul Tschut in caffè ed in stortin cun ella has saviu magliar
Ed in tec el microfon paterlar.

Vi Clavau Pign, ach Acla
Para dad esser rut ô – la miracla.
Dapi che vi leu in passapei meina,
il quartier puspei cun glieud s’empleina.

Il cantun in künstler sa duvrar
Per sin l’insla kitsch zambergiar.
Zatgei bi ei gie bu stor dar,
Schiglioc quella busecca giu Trun – saveis ir a mirar.

Igl Egloff siu schnuz sa furschar
E cun velo tras Sumvitg in 30 carrar.
Sontgaclau zatgei a vus sa tradir
La via aschia buc pli lada vegn a vegnir.

La via da Surrein daditg cun petgas ei barricadada
In habitont uss sin metodas da wildwest fa la midada.
El cun gronda stenta
Ils camiuns cun ovs spuenta.

Nov onns uss Walter ha sfugatau
E per siu sac mirau.
Il post da gondolieri buc ha survegniu
Il dutg ei ius dall’aua giu.

Igl Otto da pegnas vi Surrein davon tier era ius,
Gie perfin primitivs e tups vegnius.
In resultat clar il pievel ha votau
Cun tiu sedepurtar has tgigiau.

Per il post da president communal
Uonn ei vegniu fatg radical.
Igl Armin il cumbat clar ha gudignau,
Uss siu engaschi vegn spitgau.
Igl ei da sperar
Che era auter che zenns lai stgalinar.

Il Volg cun nova scheffa emprova il cletg
Pertgei cun la clientella – stat el gia daditg sil schetg.
Pertgei adina trottar giu Cuera?
Era el Volg dat ei jogurts – e petta cun pera.

Entuorn il Diesel dad Igniu
Fetg ruasseivel ’sei vegniu.
Il Meinrad sia fantasia – beincapiu
Buc ha schau agradgiu.
Uss la casa emprova da vender
Per in prezi da pender,
Sontgaclau quasi sto render.

Alla radunonza dil runal Rabius
Il sabi Theodor Lutz si da Cuer’ ei vegnius.
Caneras grondas ha fatg
E l’attenziun mo sin el tratg.
Sco liquidatur ha candidau
Denton negin sustegn anflau.

Mes cavels alvs ô savess sdrappar
Cu vesel co certs umens buc san schar,
Da semplamein igl uorden schar star.
Cun niveau ils davos onns cavals vegn fatg
Aunc avon messa tut vegn disfatg.
Sco sche la bumba en vess dau – vesa ô,
Tugnau vegn sur dalla giuventetgna ti mordio.
Uss vies tschurvi in tec mulei
schiglioc metodas pli radicalas – dat ei.

La giuventetgna uonn per in auter sughet ha tratg,
E la sala per ina fiasta mexicana surtratg.
Quei ei stau da grond gartetg
E gnanc in ha survegniu giu pil tetg.

A Barcuns ei han mordio baghegiau,
Femnas cun dömpers material han menau,
E bein enqual marveglia dalla val en carmalau,
Il Duri Baselgia il hotel ha occupau,
E schizun l’Olga ha profitau.

Amiez il vitg daditg in grüst era montaus,
Tal ei naven, applaus,
Uss in mitgiert mellen ins sa anflar.
Per tgei san ins insumma aunc duvrar
La cumissiun da baghegiar?
Tala da quei exot stuess scumandar.

Sco sche fussen buca schon muntagnards avunda,
Il «jöö» luf uss tier nus ei sin spunda.
Mirar sch ’Anita Mazzetta siu meini midass,
Sch’ella si Campieschas nuorsas pertgirass.

Ozildi cun plaids engles stos seludar
E bu nies bi romontsch cultivar.
Il parc Adula tila buc ord l’era
E cun «Laibels» fa la fuera.
In parc tut auter che tschels duess daventar,
Tgisà: forsa sin uors e lufs sas bumbardar,
Elefants, giraffas e schemias contemplar.
Ni perfin trekking cun tscharvas far,
En mintga cass – bein stueis studiar
Tgei che leis votar.

Per vinavon si els aults habitar
Sco Leo Tuor di, bia pops stueis far,
Ed a mintgin la libertad schar.

Per uonn hai fatg il miu,
Adia ensemen e stei cun Diu.

Per la paisch salvar,
mintgin per el duei mirar,
e buc als auters la tgagia far.

Amen