In onn ei puspei vargaus,
ualti exact,
che tier vus el vitg sun staus
per dar en il tact.
Vid mias admoniziuns ils biars – sco jeu stoi dir – ein setegni.
Ils auters halt da Sontgaclau inaga dapli ston vegnir admoni.
Il grond trara,
Sontgaclau ha sefatg en,
pil pli ei leu d’anflar,
nua ch’il Retus cun sia detta ei en.
Partenent il Volg, ha la bilanz’ei mussau si,
adina pli paucs tiel Linus a cumprar en vulan ir.
(pertgei da joghurts e da desserts negin che sa senutrir.)
Linus, cheu dat ei nuot da marchedar,
Silpli intern sul dirigent dil chor il post zaco vegns da salvar.
Mo lodola e tgaper buc ensemen ins sa tener,
Fatschent’e privat stattan halt sin duas varts dil streh.
Il quen gia in temps per falliu vegn gestiunaus,
Mo co mussar si ch’enzatgi cun mauns tschuffs vidlunder ei staus?
Sch’ins sa buc tgei ch’ins sut il teppi scua,
sei veramein meglier da trer en la cua.
O schei vus massa tschontschas da grond sterment,
pertgei meis buc en armistezzi per in mument?
Pertgei ston ins per la fiasta – organisar, schi bia haudri far.
Quei tut mo per la Quotidiana spisgentar.
Tiel chor puspei enqual vusch ha calau da grir,
ed er’ alla musica ins plitost mo capella pli sa dir.
Schai vid gl’interess ni eis’ei gl’engaschi,
che disdesch’e che fa tut schi lamaschi?
Il plaz scola vi Sumvitg caschun’in grond cuost.
La garascha digl Enrico sto tonscher per allas maschinas dar sust.
Per in luvratori niev han muncau ils mieds finanzials.
Persuenter cun aur sulerai vegnan lu ils tschabergals.
Sch’ei dat in pievel ch’ei buc d’admirar,
sch’ei quei gl’American che dapertut malaveglia (disturbi, chaos, uiara) sto far.
Viu aschia eis ei clar tgi che giu Igniu
quella parola politica scriver si ha stuiu.
Mo il plaz da ball ei gie cheu per tuts.
Stoss pia Giachen, sch’auters semegliont a ti fan, buc vegnir faructs.
Cul segatschespet diesch ga eis ius suro,
gie perfin cugl uder eis vegnius, il text aber buc ei ius o.
Ils delinquents perquei da tei vidlunder ein vegni,
quei seigi dad ir suenter aunc ina ga, ins gie strusch vesi zatgei pli.
Vegni ein biars a lady’s night la finala.
Sch’ei va sco auters lessan, sei è stau la davosa sin sala.
Mo lein spitgar giu e buc ordavon pansieris far,
zanu’e zaco la glieud schon a Rabius vegnin da carmelar.
La “Glückspost” las madams ha mess avon,
che per il tetel da Miss Molly han candidau uonn.
Petra sco dultscha la sort tratg’ei vegnida,
la giuria ha viu nuot, la vest’era prida.
Mario, cugl UFO tier las steilas da musica sgolas,
drizzai sin tei ein cameras, micros, reflecturs e cazzolas.
Ils “Groupies” en curtin lu has, ti ei vegns a veser,
ils babs gie schon uss lur feglias anavos ston tener.
El Surselva las flommas saultan el fuorn,
pizzagliolo Giocondo la pasta smeina entuorn.
Ed o la Greina transaebi ei lai marschar,
cun ina riisa butteglia la stad schizun ha tratg si ina bar.
Finiu ei il moratori per scrinaria Lutz.
Buc d’anflar investurs, sco sch’ei fuss en il huz.
La faultsch gl’emprem ils tgaus ha schau ruclar,
il marti uss liquidesch’il rest digl’inventar.
Punct, finiu, dapli stueis nuota saver.
a)Ni veis aunc marveglias, tgi cun tgi va a maner?
b)Quei che hai detg en scadin cass a mi saveis crer.
Mo avon che mes peis en autras stivas vegn a runar,
la benedicziun a vus ed a vossa casa aunc vi dar.
Per olalà, scumandar, saperlotorum. AMEN.
Per olalà, sa-tgi-sà, sch’ei vegn aunc dau ô rum? AMEN.
Per olalà, sa-tgi-sà, sche l’au’ei schubr’egl aquarium? AMEN.