Il Sogn puspei ei vegnius
Cun asen e slius’a Rabius.
Per aschia vus aunc inagada far attents
cun tgei che Sontgaclau ei insumma buc cuntents.

L’entschatta digl onn nies vitg in niev habitont ha survegniu.
Culla ruasseivladad ellas ustrias eis ei stau finiu.
Schizun sil presidi communal il Colombo haveva speculau,
denton avon las elecziuns la habitaziun el ha bandunau.
A Luven el uss habitescha (e buobanaglia leu fotografescha)
Sappi Dieus sch’el igl um ner cheuén imitescha.

Sontgaclau sco proxim Carli Tuor ha nudau,
che pil vitg d’emprem d’uost in dretg fiug ha inszenau.
Era sch’ei pils pumpiers leu aunc nuot da stizzar ha dau.
Persuenter, cuort pli tard tier el a casa els han stuiu mirar sperasò,
L’entira cuschina barschava „lichterloh“,tgei fugatscha ti mordiò.

Far cavals en nies vitg in vegl usit ei.
Tuts auter che Gaby quella ser’ein en pei.
L’auter di cun cedels la giuventetgna vul admonir
Da buc pli far cavals e cun caussas ir.
Sut ils cavals ils Degondas vinavon ston pitir,
E per lur uorden giun plaz Cadruvi sezs vegnir.

Da Campieschas novas ins ha udiu
Il Norbert cun in niev raz da vaccas la stall’ha empleniu.
Quellas plirs dis senza patrun san star,
Aschia ch’ il Norbert pacific pil mund entuorn excursiuns vegn da far.
Perquei è il transporter alla staziun sut la glienda ei da veser mintgaton,
ferton che giu da Campieschas il tun dil telefon ei d’udir tras in horn.

Igl Armin sco gerau ha candidau
mo cul sustegn quintau, nuot ei stau…tgi vess tertgau.
In auto niev – in Audi grond – tuttin’el ha fatg si
buc pli per il Mercedes da l’ond’Erna aschia sto ir (per curdar si).

La vischnaunca la Lady’s Night less scumandar
E la “Schumparty” persuenter subvenziunar.
Garanzia da defizit halt mo quels che obtegnan,
ch’era il president da vischnaunca da metter vegnan.

Il poet dallas steilas cun fiasta pompusa ei vegnius undraus.
In hazer monument sin santeri ei secasaus.
Tgisà sch’il mir fontauna la crappa ha stuiu schar,
per il niev monument digl Alfons restaurar?

Era quei onn la Claudia a biars umens ha fatg seit,
Ed aschia enqual pèsch alla polizia ei siglius ella reit.
Il niev gerau da Rabius sin quei fatg immediat ha reagau,
E denter auter era per ils pertuccai in „Tages-GA“ organisau.

Dil runal Prauliung mintg’auter onn cun cletg zatgei ins auda,
mo gliez gnanc propi zatgei sco s’auda.
In fegl plein sbagls – oh tgei pustracca!
Ins pudess tertgar ch’igl autur quei mument haveva baracca.

Uss las cuschinas Lutz definitiv han calau da cuschinar
Aschia vendius ei il davos inventar.
Per prezis da Fr…aah…Giachen bienmarcau
Da di e da notg uaffen, aissa e guota han cargau.
Negins impressaris per las immobilias ins ha anflau
Aschia la banca la finala bugen ni nuidis tut ha cumprau.

Cu fatschentas indigenas ensemen ston pachetar,
ei quei cass ch’ein da deplorar
e buc da surlunder legher far.
Plascher malvulent duessen oravontut buca quels haver,
che sia fatschenta sez ein è buc vegnir da tener.

La stivetta buc exista pli.
La clientella buc propi ha vuliu vegnir.
Bien, vegnida fuss ella schon,
mo buc da quellas uras ch’eran dadas avon.

Mintga dumengia tuts Musicstar han mirau
Ed aschia il Mario sil secund plaz alzau.
Cun gronda premura per sia finamira ha luvrau
Ed aschia per buna reclama per nossa regiun procurau.
Uss elegius sco Grischun digl onn eis vegnius.
Mario, suenter ton success, nus essan loschs, ti eis restaus da Rabius.

Il Volg cugl „Obigverkauf“ grondas fatschentas vul far.
Perquei cun in raclette la glieud neutier less carmalar.
Sche quei effect sin la sviulta vegn a ver,
Quei fors’è puspei sin fegls sgulonts vegnin a veser.

Strusch il davos daner si cheu ha fadigiau
Il Rest Luis ses documents a Zug ha transportau.
Uss gnanc pli la taglia si cheu el lai
O Rest Luis ti eis bein il davos canagl!

Grond’epidemi’a Rabius ei rutt’ô
Uss certas femnas fan dietas da camifô.
En quei tema mintgina vul esser in profet
Aschia naven da Herbalife tochen Radikal-Diät
Tut vegn sespruau per daventar in attractiv festet.

Aschi’a vus enqual caussa hai saviu dir
Cun buna cunscienzia jeu sai svanir.
Ord la hont’aunc avon vi prender l’aua benedida,
che pils nauschs hai cungiu cun mia spida.

Per operar, senza narcotisar, vies secuntenerorum.
Per dar la bucca, anonymorum,
Mai vegnin a scrivergnar en rumantsch grischunorum.
Per omnia, saecula, saeculorm

AMEN