Sontgaclau puspei arriva
Cun stentas giu dall’ucliva
Mias novas ussa tedlei
Avon che level puspei en pei

Giuda Mustér sun vegnius sveltamein,
Quasi in 100 sur la nova punt da Russein.
Mo giu Sumvitg – tgei stria pulenta,
Sontgaclau gleiti drova tempomat-30.

Igl unviern barbarics ei staus
Ed ad enqualin ha fatg quitaus
El baghetg niev giu Igniu suenter auas grondas veseva o
L’aua mava tutta dadens giuado
Giu da tetg la neiv ha stuiu
Tetg e canal nova, fermamein giudlunder pitiu.
Sontgaclau gia tier la planisaziun havess saviu dir
Che giu Igniu ei coga freid sa vegnir.

Vi Surrein vischins perfin suttascripziuns han rimnau
Per che la neiv amiez il vitg vegni allontanau.
Daco che la neiv sto naven vi bugen a vus tradir
La vesta en cuschina e hisli dil vischin mo aschia sas garantir.

President Walter quella petiziun zun serius ha priu
En el immediat il marcau da Venezia ha sclariu.
Vi Surrein in ual tras il vitg duei flassegiar
Ed el gondolieri daventar.
Sontgaclau quella gada ad uras reagescha
E tschalers sut aua prognostichescha.

Gnanc in bancomat ins anfla a Rabius,
suenter ch’Edvin giu Trun ei fugius.
Ussa giu Trun duas bancas visavi,
per che negin sur via stoppi ir.

Vi Vitg inagada dapli
Il plaz baselgia vegn fatg pli bi
Igl Eglof sias Paplas sa selvar
Ed en ina nova fontauna selavar
E sco punct sigl i
In „gländer“ da ruina han schau buglir

Il maletg da Rabius semida ti mordio
Dus macorts clavaus ein naven oho
Vid il trest capetel dallas cuschinas Lutz regorda gleiti nuot pli
E visavi il Hotel Greina duei vegnir baghegiau aunc dapli.

Vul ti sco moribund a Rabius en caplutta da morts ir
Empau glatsch pren cun el vischi.
La vischnaunca negina frestgera vul installar,
Ei tonscha sch’ins vi Sumvitg las baras sa sferdentar.
La parantella e leschas ei segir buc da risguardar.

Luis Beer in niev mulin da crappa a schau montar
Per material manizzar
Al polizist sias investiziuns in cac han interessau
Ed al raser il bigliet incassau

Sontgaclau ha stuiu rir da crappar
Ed il tgau scurlar
Suenter che cantonals cul meter han stuiu sfugatar
Ina chezra tabla han schau montar
Uss mo pli cun 3e60 meters tras il tunnel giu la staziun sas carrar

A radunonza communala da mesa stad ei vegniu clamau
Quei enzatgei nunusitau.
Sur dalla via da Marias ei vegniu discutau
La problematica dil traffic denton diltutafatg ignorau
Ils purs ein dil meini ch’ina via d’agricultura tonscha
Ch’els dils pachers il pli fetg profiteschan, negin tschontscha.
300 suttascripziuns han affectuau
Che la suprastonza lur meini ha midau

Il consorci da scola Sumvitg-Trun in menader ha encuretg
60-na 80-na 60 tgi che vegn ordlunder ha cletg
In iester che lavura tier il CCM ins ha anflau
Ils nos buc risguardau
Tal ussa 120 pertschien lavura.
Tgisa tgi che controlescha cheu l’ura?

Per buca nossaduna pli stuer purtar
Duas mattas ord l‘uniun da giuventetgna han tertgau extrar
Ei quei aunc in sedepurtar
Sontgaclau non sa

Tier la musica o tgei deletg
Concertar en monduras novas, in bi maletg
Gl’atun vi Surrein ina fiasta han organiasau
E la nova bandiera battegiau

L’ugr a dublin ei stada
e cumpletamein anavos turnada
Catedralas,wiskey e cadavers ins a mirau
E culs da Savognin enqual gervosa schlavidrau

Tendas, tribunas, decoraziuns ed aunc bia
Ins per la fiasta da cant giu Trun ha stuiu montar
Massa gidonters era da Rabius ins ha anflau
E quels bia buna lavur prestau

Sontgaclau ha stuiu constatar
Che giu Trun mo tgagiacaultschas para da dar
Gnanc in che vess aunc ughegiau
Ed in graffiti sila sculptura da beton sprizzau

Per saver la scola a Rabius salvar
Intec medischina a vus vi dar
Possi mi’aua sco viagra reagar
Ed aschia massa pops schanghegiar

Per la patria spindrar
Encunter il parc Adula stos far
Ni ina secunda habitaziun baghegiar

AMEN.

UGR © 2012