Cheu en stiva Sontgaclau puspei ei setschentaus,
Uonn tut commuentaus.
A Rabius ei puspei vegn cantau.
Giu da Campieschas zenns han resunau,
E perfin in cusseglier naziunal hai dau.
Tgi da novitads schi positivas havess sminau.

La primavera senza neiv ei stada,
Perquei la Repower giu Curtins han fatg gronda runcada.
Il Claudio Lutz la caschun ha priu,
E la lenna avon casa sco garascha deponiu.

Il Meinrad siu inventar ha svidau,
E la suga liunga spel Tengli montau.
L’Anita Mazzetta immediat per ses rustgs ha temiu,
Il plogn tuttina anavos ha priu.
In maletg plitost da fugir ei restau,
Mo beingleiti emblidau.

L’uiara da petgas a Rabius negina fin ha pigliau,
Sin la via dalla staziun tut tier il vegl ei restau.
Auter che enqual petga urschiau,
Vi Vitg persuenter ina umfahrig pils purs ha dau.
Con ditg ch’ins vul aunc spitgar,
Per zatgei cun la via da Marias far,
Sontgaclau non sa.

Il luvratori giu Igniu 100’000 frs pli cars ei vegnius,
Buc stialas, na pellets scauldan ils plantschius.
Il rollband da stialas resch novs ei gia vegnius dismess,
Per il Werner quei cun stialas bia memia bia lavur dess.

Pli baul il Toni Lechmann cun igl autocar carrava,
Uss cun dus bus pigns la scolaramenta vegn menada.
El messadi dalla vischnaunca era zuar aunc d’anflar,
Che la fin d’jamna quels bus sas affittar,
Quei para denton tuttenina buca da vuler funcziunar.

La valischa ei morta,
Sontgaclau uss propi vegn cun la torta.
La populaziun dalla vischnaunca da Sumvitg,
Sco era ils responsabels da Turitg,
Tuts ein vegni teni pil narr,
Profitaders hai dau, gliez ganz clar!
Enstagl da projects utopics e fueras e miardas far,
Ins propi quei camp turistic havess saviu spindrar.
Tal sedepurtar dalla suprastonza Sontgaclau sa buca capir,
Plaunsiu fuss da calar da rir e far bibi.

Ils pumpiers da Trun cun quels da Vitg han ton sco fusiunau,
Suenter duas gadas ensemen uaul haver stizzau,
In camiun pli grond ch’ils da Muster cumprau.
Era tier las scolas ins tschontscha da stretg collaborar,
Daco buca gest las vischnauncas fusiunar?
Han certins tema da buc pli dalla vischnaunca saver profitar?

A Rabius ils da basegnas sin via stos far,
La Retica la tualetta ha tertgau allontanar.
Uss sil tren ella plievgia stos spitgar,
Nun ch’il tugnem dall’Olga pos tedlar.

Igl Otmar puspei sa selegrar,
El per sia lavur Sontgaclau sto ludar.
Cun il Gabi il chor in niev dirigent ha anflau,
E cheutras la cultura dil vitg spindrau.

Il settember mo els gagliners ei vegniu cupanau,
La giuventetgna uonn negina Lady’s Night atras ha menau.
L’infrastructura dalla scola para da pitir,
Ch’ils mistergners dalla giuventetgna buc ein dentuorn pli.
Las tualettas dad umens, oh tgei piertgerverc d’aua,
E la stora da sulegl fa blaua.

Placats vi e neu e si e giu eran da cattar,
duas ga Martin Candinas, dapertut d’anflar.
Gnanc la benedicziun digl avat cheu enzatgei ha midau,
La fiasta numnadamein a Rabius ei ha dau.
Al cusseglier naziunal sei gratulau.

Uonn la sera familiara liug ha giu,
Sut il motto Schlagerparade ei vegniu buiu.
Enqualin en look da vacanzas era d’anflar,
Auters pli baul che quintau cun agid a casa han stuiu turnar.
Denton buc mal manegiau,
Ina buna idea quei ei toch stau.

Vul ti da maridar anflar,
Bauer ledig sucht stos mirar.
La Seraina da Trun a Thurgau
Era siu cletga ha empruau,
E dus umens giu dil bein scatschau.

Giul verc ei buc propi para da funcziunar,
Ils disponents suenter cuort ston calar.
Ferton che sfraccada material vegn produciu,
Si Marias tut vegn runcau oh bien Diu.
Sontgaclau sedamonda sch’ins quei buc in tec pli hofli havess saviu far,
E buc mo sin la buorsa mirar.

Vi Surrein in loelilocal han survegniu,
L’avertura dacuort han giu.
Aunc uss in tec euforia ei da cattar,
Ed en in onn matei negin en leu ei d’anflar.
Aschia silmeins ils giuvenils sut tetg san star,
Per drogas ed alcohol consumar.

Miu tappun puspei si dalla supia vi alzar,
Ed encunter casa s’avanzar,
Avon denton aunc da mia aua a vus vi dar.
Per buc tier schar,

Che la banca naven va,
Stueis ir a demonstrar ni occupar!

AMEN